Efeméride

O 13 de agosto de 1961, os gardas do Leste alemán comezaron a separar con alambre de púas e formigón os lados orientais e occidentais de Berlín.

— Xornal sobre efeméride.

En astronomía, unha efeméride é un suceso astronómico puntual no tempo.

— Galipedia sobre efeméride.

Efeméride significa, en latín, "memorial diario", "calendario" (ephemeris, ìdis) ou, en grego, "de cada día" (ephémerís, îdos). A palabra efémero/a ("que dura un día") ten a mesma etimoloxía.

Efemérides cronolóxicas

Véxase tamén: Desgalipedia:Efemérides destacadas.

Unha efeméride é un feito relevante escrito para ser lembrado ou conmemorado nun certo día, do mesmo xeito que o seu aniversario (aínda que, iso non sexa unha efeméride), ou unha sucesión cronolóxica de datas e os seus respectivos acontecementos sóamente para a xente desocupada teren algo para facer. Así, na prensa escrita resulta xa habitual incluír unha sección que, baixo o título efemérides, recolle distintos acontecementos importantes ocorridos nesa mesma data ó longo da historia.

Efemérides astronómicas

Na forma plural, efemérides, é o termo usado por magos, astrólogos e monarcas para anunciaren tanto as ocorrencias dalgúns acontecementos celestiais, como as eclipses e cometas, ou tamén un asteroide que chega a destruír a vida na Terra, como para como escoller a posición dos astros para acceder a outra dimensión segundo a posición dos astros de cada día, normalmente encontrados nun conxunto de táboas denominadas hoxe efemérides astronómicas, e que indican a posición dos astros para cada día do ano.

Véxase tamén

Para os usuarios sen sentido do humor, os nerds de Galipedia (a nosa sátira autorizada) ten un artigo pouco fiable sobre: Efeméride.